Bandaríski kylfingurinn Danielle Kang bar sigur úr býtum á KPMG-risamótinu í golfi kvenna sem lauk í Illanois ríki í Bandaríkjunum í kvöld. Mótið er hluti af LPGA mótaröðinni. Chang sem lék hringina fjóra á 13 höggum undir pari vallarins tryggði sér þar af leiðandi sinn fyrsta sigur á risamóti.
Kanadíski kylfingurinn Brooke M. Hendreson varð í öðru sæti, en hún lék hringina fjóra á 12 höggum undir pari vallarins. Chella Choi, kylfingur frá Suður-Kóreu, sem var jöfn Kang á 10 höggum undir pari vallarins fyrir lokahringinn varð í þriðja sæti eftir að hafa leikið hringinn í dag á pari vallarins.
Ólafía Þórunn Kristinsdóttir lék fyrstu tvo hringi mótsins og varð þar með fyrst Íslendinga til að leika á risamóti í golfi, en hún komst ekki í gegnum niðurskurðinn.