Ólafía fjórum undir eftir fyrsta dag

Ólafía Þórunn Kristinsdóttir.
Ólafía Þórunn Kristinsdóttir. AFP

Kylfingurinn Ólafía Þórunn Kristinsdóttir lék fyrsta hringinn á Thornberry Creek-mótinu í Wisconsin á 68 höggum eða fjórum höggum undir pari. Mótið er liður í Bandarísku LPGA-mótaröðinni, sterkustu mótaröð heims.

Ólafía var í 12.-18. sæti er hún lauk leik í dag, en einhverjir kylfingar eiga eftir að klára sinn hring og gæti staða hennar því breyst áður en hún hefur leik á morgun. 

Hún fór gríðarlega vel af stað í dag og fékk fjóra fugla og einn skolla á fyrstu sjö brautunum. Spilamennskan hennar á síðari níu brautunum var svo mjög örugg og fékk hún átta pör og einn fugl. 

Fylgst var með gangi mála í beinni textalýsingu á mbl.is.

Ólafía í Wisconsin, 1. hringur opna loka
kl. 18:59 Textalýsing 9 - PAR Ólafía heldur sínu striki og fær sjöunda parið í röð. Hún hefur lokið leik í dag. Hún lék samanlagt á 68 höggum, eða fjórum höggum undir pari, sem er mjög vel gert. Hún er í 12.-18. sæti, en einhverjir kylfingar eiga eftir að klára sinn hring og gæti staða hennar því breyst.
mbl.is
Fleira áhugavert
Fleira áhugavert