Kylfingurinn Hlynur Bergsson (GKG), stóð uppi sem sigurvegari á Swedish Junior Classics mótinu sem fram fór 4.-6. ágúst á Golf Uppsala í Svíþjóð. Mótið er hluti af Global Junior unglingamótaröðinni. Þar af var eitt mót á Íslandi. Hlynur lék hringina þrjá samtals á fjórum höggum undir pari og sigraði með eins höggs mun.
Hlynur lék fyrsta hringinn á 75 höggum eða á tveimur höggum yfir pari og annan hringinn á 71 höggi eða tveimur höggum undir pari. Hann var því á parinu fyrir lokahringinn. Hlynur lék glæsilegt golf á lokahringnum og lauk leik á fjórum höggum undir pari.
Jón Sigurðarson (34. sæti), Ragnar Áki Ragnarsson (35. sæti), Gunnar Blöndahl Guðmundsson (37. sæti) og Ingi Rúnar Birgisson (44. sæti) voru einnig með í mótinu.
Facebook-síða mótsins birti viðtal við Hlyn.