Atvinnukylfingurinn Birgir Leifur Hafþórsson lék á 71 höggi, einu höggi undir pari, í dag á þriðja hring Opna Kasakstan-mótsins í golfi sem er hluti af Áskorendamótaröð Evrópu.
Birgir Leifur er í 48.-52. sæti á -4 samtals. Birgir fékk fjóra fugla, þrjá skolla og ellefu pör í dag. Hann lék fyrsta hringinn á pari og á þremur undir í gær.
Verðlaunaféð er með því hæsta sem gerist í mótaröðinni og nánast allir sterkustu kylfingar mótaraðarinnar keppa á þessu móti.