Heldur margir skollar hjá Ólafíu

Ólafía Þórunn Kristinsdóttir er að spila á Taívan þessa stundina.
Ólafía Þórunn Kristinsdóttir er að spila á Taívan þessa stundina. AFP

Ólafía Þórunn Kristinsdóttir, atvinnukylfingur úr GR, lék annan hringinn á Taív­an-meist­ara­mót­inu í golfi sem er hluti af LPGA mótaröðinni á fimm höggum yfir pari vallarins í morgun. Ólafía Þórunn lék fyrsta hring vallarins á fjórum höggum yfir pari vallarins í gær.

Ólafía Þórunn hefur því leikið hringina tvo á samtals níu höggum yfir pari vallarins og er í 72. sæti á mótinu. Enginn niðurskurður er á mótinu og Ólafía Þórunn fær því tækifæri á að laga stöðu sína í mótinu á seinni tveimur hringjum mótsins.  

mbl.is
Fleira áhugavert
Fleira áhugavert