Jón Gunnlaugur: Erfitt þegar Flora er í þessum ham

Júlíus G. Ingason, sport@mbl.is

Jón Gunnlaugur Viggósson, þjálfari FH, sagði afar erfitt að eiga við ÍBV þegar Florentina Stanciu væri í ham í markinu eins og í kvöld þegar liðin mættust í undanúrslitum Eimskips-bikarkeppninnar í handknattleik. 

ÍBV sigraði 24:13 og mætir Val í bikarúrslitum.

„Við vorum með 35% skotnýtingu í þessum leik sem er engan veginn nógu gott,“ sagði Jón í samtali við mbl.is að leiknum loknum.

Hann hrósaði samt sem áður sínum leikmönnum. „Stelpurnar voru samt duglegar og börðust vel. Ég er mjög ánægður með þær þrátt fyrir stórt tap.“