„Við erum að setja fullt af peningum í þetta“

Júlíus G. Ingason, sport@mbl.is

Svavar Vignisson, þjálfari ÍBV, sagði það hafa verið eitt af markmiðum vetrarins hjá ÍBV að standast bestu liðum landsins snúning í vetur. Svavari tókst í kvöld að koma ÍBV í bikarúrslitaleikinn í handknattleik kvenna í fyrsta skipti í sex ár með sigri á FH 24:13.

„Það er töluverður munur á liðunum. Við sjáum það bara á töflunni. Við erum með mikið betra, með fullri virðingu fyrir FH-liðinu. Við erum að setja fullt af peningum í þetta. Erum með fullt af útlendingum og atvinnumönnum í þessu. Við eigum að gera betur en þessi lið og kannski betur en flest önnur lið. Við erum að vinna í því og komin í bikarúrslit,“ sagði Svavar meðal annars í samtali við mbl.is í kvöld.