Bjarki framlengir dvölina í Eisenach

Bjarki Már Elísson hefur skrifað undir nýjan samning við þýska 1. deildarliðið í handknattleik, Eisenach. Nýi samningurinn gildir fram á mitt næsta ár. Bjarki Már gekk til liðs við Eisenach á síðasta sumri og líkar vistin vel þótt liðinu hafi ekki vegnað sem skildi en það er komið með annan fótinn niður í aðra deild.

Bjarki, eins og svo margir aðrir leikmenn liðsins, ætla að taka slaginn með Eisenach á næsta keppnistímabili í 2. deildinni og freista þess að endurheimta sætið í 1. deildinni, falli liðið nú í vor eins og margt bendir til. Aðalsteinn Reynir Eyjólfsson þjálfari og Hannes Jón Jónsson framlengdu nýverið samninga sína við félagið. Sömu sögu er að segja af fleiri núverandi leikmönnum Eisenach.

• Blogga um frétt