ÍR marði sigur á Gróttu eftir framlengdan leik, 30:29 í fyrsta leik liðanna í undanúrslitum umspils um laust sæti í úrvalsdeild karla í handknattleik á næstu leiktíð. ÍR hefur því yfir, 1:0 í einvíginu, en vinna þarf tvo leiki til að komast í úrslit.
Grótta mætti ákveðnari til leiks og hafði fjögurra marka forystu í hálfleik, 15:11. Eftir að Seltirningar komust fimm mörkum yfir, 22:17 fóri ÍR-ingar loks í gang og tókst að jafna í 24:24. Staðan var svo jöfn eftir hefðbundinn 60 mínútna leiktíma, 25:25 og því þurfti að framlengja.
ÍR nýtti reynsluna í framlengingunni og hafði yfir í hálfleik, 28:26. Lokatölur urðu svo 30:29 fyrir ÍR sem áttu í meiriháttar basli með Seltirninga í Austuberginu í dag.
Liðin mætast á ný í Hertz-höllinni á Seltjarnarnesi klukkan 16 á laugardag. Einvígi Stjörnunnar og Selfoss í undanúrslitunum hefst í Mýrinni í Garðabæ í kvöld klukkan 19.30.
Mörk ÍR: Arnar Birkir Hálfdánsson 10, Sigurjón Friðbjörn Björnsson 5, Davíð Georgsson 4, Jón Heiðar Gunnarsson 4, Sturla Ásgeirsson 3, Brynjar Valgeir Steinarsson 2, Daníel Ingi Guðmundsson 2.
Mörk Gróttu: Árni B. Árnason 7, Viggó Kristjánsson 7, Vilhjálmur Geir Hauksson 4, Ólafur Ægir Ólafsson 4, Aron Heiðar Guðmundsson 3, Aron Valur Jóhannesson 3, Þráinn Jónsson 1.