Atli Ævar Ingólfsson var markahæstur hjá Guif í kvöld þegar liðið tapaði fyrir Alingsås á útivelli í sænsku úrvalsdeildinnií handknattleik, 30:27. Guif var marki yfir í hálfleik, 15:14.
Aron Rafn Eðvarðsson stendur í marki Guif og Kristján Andrésson er þjálfari liðsins. Guif er með tvö stig að loknum þremur leikjum í deildinni.
Tandri Már Konráðsson skoraði fjögur af mörkum Ricoh þegar liðið tapaði á útivelli fyrir Sävehof. Ricoh hefur unnið einn leik en tapað einum í deildinni.
Birna Berg Haraldsdóttir skoraði tvö af mörk sænska meistaraliðsins Sävehof sem vann stóran sigur á Eslöv, 35:16, á heimavelli. Þetta var fyrsti leikur Birnu og félaga í deildinni á þessari leiktíð.