Keppni í Olís-deild kvenna í handbolta hefst í kvöld, þegar tveir leikir eru á dagskrá í 1. umferð Íslandsmóts kvenna. Gróttu er spáð efsta sætinu í deildinni, og Grótta leikur einmitt upphafsleik deildarinnar, þegar Seltirningar taka á móti HK klukkan 18.00 í kvöld.
Klukkan 20.00 mætast svo Hafnarfjarðarliðin FH og Haukar í Kaplakrika, en 1. umferð lýkur svo á morgun með fjórum leikjum. 1. umferð í Olís-deild karla lýkur svo í kvöld þegar FH tekur á móti Íslandsmeisturum ÍBV klukkan 18.00 í Kaplakrika.
Olís-deild kvenna, 1. umferð
Föstudagurinn 19. september
18.00 Grótta - HK
20.00 FH - Haukar
Laugardagurinn 20. september
13.30 Fram - Selfoss
14.00 Stjarnan - Fylkir
15.00 Valur - KA/Þór
16.00 ÍR - ÍBV