Meistaraefnin í Olís-deild kvenna í handbolta, Gróttukonur af Seltjarnarnesi sýndu Stjörnukonum svo sannarlega hvar Davíð keypti ölið í kvöld, því Grótta valtaði yfir Stjörnuna, 28:14 í 2. umferð deildarinnar í Mýrinni í Garðabæ í kvöld.
Yfirburðir Gróttu voru algjörir og það var ljóst strax í byrjun í hvað gæti stefnt því Grótta komst í 9:1 eftir stutta stund og hafði yfir í hálfleik, 15:7.
Anna Úrsúla Guðmundsdóttir og Eva Björk Davíðsdóttir voru markahæstar hjá Gróttu með 6 mörk hvor en Sólveig Lára Kjærnested skoraði 4 mörk fyrir Stjörnuna.
Mörk Stjörnunnar: Sólveig Lára Kjærnested 4, Þórhildur Gunnarsdóttir 3/1, Guðrún Ósk Kristjánsdóttir 2, Guðrún Erla Bjarnadóttir 2, Stefanía Theodórsdóttir 1, Esther Viktoría Ragnarsdóttir 1, Tinna Laxdal 1.
Mörk Gróttu: Anna Úrsúla Guðmundsdóttir 6, Eva Björk Davíðsdóttir 6/2, Anett Köbli 4, Lovísa Thompson 4, Edda Þórunn Þórarinsdóttir 2, Karólína Bæhrenz Lárudóttir 2, Guðný Hjaltadóttir 1, Agnes Þóra Árnadóttir 1, Arndís María Erlingsdóttir 1, Sunna María Einarsdóttir 1.