Daníel Freyr Andrésson var svo sannarlega hetja SönderjyskE þegar liðið vann Odder 28:25 í dönsku úrvalsdeildinni í handknattleik í dag.
Odder var þremur mörkum yfir, 23:20, um miðjan seinni hálfleik þegar Daníel kom inná í mark SönderjyskE fyrir Anders Petersen. Odder skoraði ekki mark næstu 13 mínúturnar, og skoraði í heild aðeins tvisvar sinnum í 10 tilraunum gegn FH-ingnum.
SönderjyskE er á meðal efstu liða í deildinni með 13 stig eftir 10 leiki en Odder er í neðsta sætinu með 3 stig.