Afar ósennilegt er að stórstjarnan Blazenko Lackovic leiki með króatíska landsliðinu á heimsmeistaramótinu í handknattleik í Katar í janúar. Lackovic meiddist snemma í viðureign Vardar Skopje og Veszprém um síðustu helgi.
Komið hefur í ljós að rifa í annarri hásin kappans og þykir það verða hreint kraftaverk hafi hásinin króið fullkomlega áður en átökin á HM hefjast um miðjan janúar. Króatar verða með Bosníu, Makedóníu, Túnis, Íran og lærisveinum Patreks Jóhannessonar í austurríska landsliðinu í B-riðli heimsmeistaramótsins.