Ágúst Elí Björgvinsson, hrökk í gang í marki FH, þegar mest lá við í tvíframlengda undanúrslitaleiknum gegn Val í Laugardalshöllinni í kvöld.
FH var í erfiðri stöðu þegar langt var liðið á venjulegan leiktíma en vann upp fjögurra marka forskot Vals á síðustu átta mínútunum.
„Svona hefur þetta verið hjá okkur í vetur. Loksins tókst okkur að klára dæmið í leik þar sem við erum að elta og það skilaði sætum sigri. Við höfum unnið vel að þessu og í þessum leik kvittuðum við fyrir alla ósigrana í vetur. Við vildum ekki tapa fleiri mikilvægum leikjum og eigum örugglega eftir að taka út góða frammistöðu í fleiri leikjum,“ sagði Ágúst við mbl.is þegar sigurinn var í höfn.