Guðmundur Hólmar Helgason leikmaður Vals var í dag úrskurðaður í eins leiks bann á fundi aganefndar HSÍ.
Guðmundur fékk útilokun með skýrslu vegna grófs brots á síðustu mínútu fyrri framlengingar í viðureign Vals og FH í undanúrslitum Coca Cola bikarsins um síðustu helgi þar sem FH-ingar höfðu betur.
Guðmundur verður því fjarri góðu gamni annað kvöld þegar Valsmenn fá nýkrýnda bikarmeistara og ríkjandi Íslandsmeistara ÍBV í heimsókn í Olís-deildinni.