Sigurganga Team Tvis Holstebro í dönsku úrvalsdeildinni í handknattleik karla heldur áfram. Liðið vann Skjern, 26:25, á heimavelli í dag í uppgjöri efstu liðanna og trónir þar með áfram á toppi deildarinnar.
Sigurbergur Sveinsson skoraði eitt af mörk TTH en Egill Magnússon komst ekki á blað að þessu sinni.
Sigvaldi Guðjónsson skoraði fimm mörk og var markahæstur hjá Århus Håndbold þegar liðið tapaði naumlega á heimavelli fyrir SönderjyskE, 27:26. Árni Steinn Steinþórsson náði ekki að skora fyrir SönderjyskE. Daníel Freyr Andrésson markvörður lék með liðinu í dag.
Árósarliðið er í sjötta sæti en SönderjyskE er í áttunda sæti af 14 liðum deildarinnar.