Sólveig Lára Kristjánsdóttir átti stórleik og skoraði 13 mörk þegar ÍR vann þriðja leik sinn í Olís-deild kvenna í handknattleik í dag. ÍR vann Fjölni, 36:29, í íþróttahúsinu í Austurbergi og komst með sigrinum upp í 12. sæti deildarinnar með með átta stig og er stigi á undan FH sem situr í 13. sæti.
Fjölnir er í 10. sæti með 10 stig að loknum 19 leikjum.
ÍR-liðið var með fjögurra marka forskot í hálfleik, 17:13, og hafði yfirhöndina í leiknum frá upphafi til enda.
Mörk ÍR: Sólveig Lára Kristjánsdóttir 13, Silja Ísberg 9, Hildur María Leifsdóttir 7, Sigrún Ása Ásgrímsdóttir 3, Þorbjörg Anna Steinarsdóttir 2, Jóhanna Björk Viktorsdóttir 1, Stefanía Ósk Sigurjónsdóttir 1.
Mörk Fjölnis: Díana Kristín Sigmarsdóttir 10, Ólöf Ásta Arnþórsdóttir 7, Guðrún Jenný Sigurðardóttir 4, Sara Dögg Hjaltadóttir 3, Berglind Benediktsdóttir 2, Fanney Ösp Finnsdóttir 2, Andrea Jacobsen 1.