Handknattleiksmaðurinn Júlíus Þórir Stefánsson hefur framlengt samning sinn við Gróttu til tveggja ára en þetta kemur fram í tilkynningu frá félaginu.
Á nýliðnu keppnistímabili var Júlíus ein styrkasta stoðin í jöfnu Gróttuliði og fyrir úrslitakeppnina var hann valinn í lið ársins af þjálfunum deildarinnar. Júlíus var einn af markahæstu leikmönnum liðsins, skoraði 82 mörk í 26 leikjum í deildinni, og jafnframt mikillvægur hlekkur í góðri vörn liðsins.