Íslenskar handknattleikskonur fögnuðu sigrum með liðum sínum í 16-liða úrslitum norsku bikarkeppninnar í handknattleik í kvöld en þrjár þeirra voru í eldlínunni með liðum sínum.
Þórey Rósa Stefánsdóttir skoraði sjö mörk þegar Vipers vann stóran sigur á Fredrikstad, 32:13, á heimavelli í leik kattarsins að músinni. Fredrikstad er í efsta sæti B-deildar og því greinilegur getumunur á milli deildanna en Vipers er topplið í úrvalsdeildinni.
Birna Berg Haraldsdóttir skoraði fimm mörk þegar Glassverket vann Viking örugglega á heimavelli með 11 marka mun, 36:25. Eins og tölurnar gefa til kynna var sigur Glassverket aldrei í hættu.
Eva Björk Davíðsdóttir skoraði eitt mark fyrir Sola sem vann góðan sigur á útivelli til Levanger í nágrenni Þrándheims, 30:24.
Pétur Pálsson skoraði sjö af mörkum Kolstad sem vann Bodö með 12 marka mun í úrvalsdeild karla, 34:22. Kolstad er í þriðja sæti deildarinnar en keppni í henni er nýhafin.