Aron Pálmarsson og félagar hans í ungverska stórliðinu Veszprém sigruðu Kadetten Schaffhausen 32:28 í A-riðli Meistaradeildar Evrópu í dag.
Svissneska liðið náði að halda vel í við Veszprém í fyrri hálfleik en staðan var 16:15 fyrir ungverska liðinu þegar flautað var til hálfleiks.
Veszprém hafði sigur á endanum 32:28 en Aron Pálmarsson gerði þrjú mörk.
Þetta var fyrsti sigur liðsins í riðlinum en það gerði jafntefli í fyrsta leik gegn Flensborg.