Handknattleiksmaðurinn Jóhann Reynir Gunnlaugsson hefur fært sig um set í Danmörku og skrifað undir tveggja ára samning við Randers HH sem leikur í dönsku B-deildinni, eftir að hafa fallið úr A-deildinni á síðustu leiktíð. Hann kemur til félagsins frá Lemvig/Thyborøn sem leikur í sömu deild.
Jóhann er uppalinn Víkingur, en hann hefur einnig leikið með HK. Hann skoraði 60 mörk í 25 leikjum með Lemvig/Thyborøn á síðustu leiktíð. Liðið endaði í áttunda sæti, þar sem það sigldi lygnan sjó.