Þórir sló á létta strengi - myndband

Þórir Hergeirsson var í stuði á fréttamannafundi.
Þórir Hergeirsson var í stuði á fréttamannafundi. AFP

Þórir Hergeirsson, landsliðsþjálfari kvennaliðs Noregs í handbolta, var ansi léttur á fréttamannafundi fyrir leik liðsins gegn Hollandi á HM í Þýskalandi. 

Selfyssingurinn var spurður út í þróun norska landsliðsins og hvers vegna bestu leikmenn liðsins voru eitt sinn mjög hávaxnir en mikilvægustu leikmenn liðsins í dag væru frekar lágvaxnir. „Ég er ekki mjög hávaxinn sjálfur og því er léttara að koma skilaboðum áleiðis til lágvaxnari leikmanna,“ sagði Þórir og uppskar hlátur fréttamanna. 

„Það eru ekki margir í Noregi sem skilja húmorinn minn og því er mikið um misskilning. Norska pressan heldur að ég sé alltaf reiður, en ég hugsa mikið og því virðist ég reiður. Það er mitt vandamál,“sagði Þórir að lokum. 

Þetta skemmtilega myndband má sjá með að smella hér

mbl.is
Fleira áhugavert
Fleira áhugavert