Jorge Luis Pinto er hættur sem þjálfari Kostaríku, en þetta var tilkynnt í kvöld. Pinto er Kólumbíumaður og vakti athygli með lærisveinum sínum á heimsmeistaramótinu í Brasilíu þar sem liðið komst í átta liða úrslit í fyrsta sinn.
„Ég áttaði mig á því að ég gat ekki treyst á að ég gæti unnið mína vinnu og því náði ég ekki samkomulagi um nýjan samning,“ sagði Pinto í yfirlýsingu.
Pinto tók við liði Kostaríku í annað sinn árið 2011 og tryggði þjóðinni sæti á HM í fjórða sinn í sögu þess, þar sem liðið tapaði í átta liða úrslitum gegn Hollandi eftir vítakeppni.