Danir eru vitanlega í sárum eftir eins marks tapið gegn heimsmeisturum Spánverja á HM í Katar í kvöld.
„Þetta var virkilega fúlt því við höfðum alla möguleika á að vinna leikinn. Við spiluðum allt í lagi en náðum ekki að framkalla okkar besta leik. Við getum bara sjálfum okkur kennt hvernig fór, “ sagði Niklas Landin markvörður danska landsliðsins eftir leikinn.
Danir fara nú keppni um sæti 5-8 á heimsmeistaramótinu en Spánverjar etja kappi við Frakka í undanúrslitunum.
Þetta var fyrsti tapleikur Dana á heimsmeistaramótinu en Spánverjar hafa unnið alla sjö leiki sína á mótinu.