Íþróttir | Körfubolti | mbl | 6.3.2009 | 20:09 | Uppfært 7.3.2009 8:55

KR tryggði sér deildarmeistaratitilinn

Jón Arnór Stefánsson er ekki í liði KR sem leikur gegn Skallagrím á útivelli í kvöld. mbl.is/Golli

KR tryggði sér deildarmeistaratitilinn í úrvalsdeild karla, Iceland Express deildinni í körfuknattleik í kvöld með því að sigra botnlið Skallagríms í Borgarnesi, 97:63. Þrír leikir voru á dagskrá í næst síðustu umferð deildarinnar. Grindavík átti ekki í vandræðum með lið Fsu, 107:85, og Keflavík sigraði Tindastól á Sauðárkróki 91:63.

Tölfræði úr leikjunum má nálgast á vef KKÍ.

Skallagrímur - KR 97:62
Landon Quick skoraði 23 stig fyrir Skallagrím og Igor Beljanski var með 21. Jakob Sigurðarson var stigahæstur í liði KR með 27 stig.

Tindastóll - Keflavík 63:91
Friðrik Hreinsson var stioghæstur í liði Tindastóls með 17 stig. Hörður Axel Vilhjálmsson var stigahæstur í liði Keflavíkur með 30 stig.

Grindavík - FSu 101:85

Nick Bradford var stighæstur í liði Grindavíkur með 20 stig og Arnar Freyr Jónsson skoraði 18 og gaf 9 stoðsendingar. Í liði FSu skoraði Sævar Sigurmundsson 25 stig og tók 9 fráköst en Árni Ragnarsson skoraði 22 stig og tók 14 fráköst.