Kristrún: Eigum séns á að komast í úrslitakeppnina

Kristján Jónsson
kris@mbl.is

Kristrún Sigurjónsdóttir skoraði 21 stig fyrir Val þegar liðið sigraði Fjölni í Grafarvoginum í kvöld 79:67.

Þegar fimm umferðir eru eftir af deildakeppninni er Valur sex stigum frá sæti í úrslitakeppninni og á því enn von. 

„Það eru að koma leikir inn á milli þar sem við erum að vinna góða sigra og sannfærandi sigra eftir slappt gengi í byrjun. Ég held eins og staðan er núna að við eigum séns á því að komast inn í úrslitakeppnina og það er náttúrlega bara markmiðið að ná því. Það þýðir sigur í hverjum leik,“ sagði Kristrún meðal annars við mbl.is að leiknum loknum í kvöld.