Ómar Örn Sævarsson er einn lykilmanna í liði Grindavíkur sem er komið í úrslit Íslandsmóts karla í körfubolta gegn KR.
Ómar skoraði 19 stig og tók 12 fráköst þegar Grindavík burstaði Njarðvík, 120:95, í oddaleik liðanna í undanúrslitum í Röstinni á skírdagskvöld.
Grindvíkingar áttu algjöran draumaleik þegar þeir lögðu Njarðvíkinga. „Það var eiginlega ömurlegt að vera sóknarfrákastari í þessu liði í þessum leik, því við klikkuðum varla á skotum. Það gekk eiginlega allt upp í leiknum,“ sagði Ómar þegar Morgunblaðið ræddi við hann í fyrrakvöld í Grindavík.
Sjá viðtal við Ómar Örn í heild í íþróttablaði Morgunblaðsins í dag.