Naumur sigur San Antonio í Texasslagnum

Kawhi Leonard hjá San Antonio brýtur á Monta Ellis hjá …
Kawhi Leonard hjá San Antonio brýtur á Monta Ellis hjá Dallas í leiknum í kvöld. AFP

San Antonio Spurs vann nauman sigur á nágrönnum sínum í Dallas Mavericks, 90:85, í fyrsta leik Texasliðanna í fyrstu umferð úrslitakeppni NBA-deildarinnar í körfuknattleik í kvöld.

San Antonio vann Vesturdeildina og var með bestan árangur allra liðanna í NBA en Dallas skreið inn í úrslitin sem áttunda liðið vestanmegin.

Dallas virtist á góðri leið með að stela dýrmætum útisigri, var með tíu stiga forystu þegar tæpar átta mínútur voru eftir, en San Antonio sneri því sér í hag á lokasprettinum. Þetta er tíundi sigur San Antonio í röð í leikjum liðanna.

Tim Duncan skoraði 27 stig fyrir San Antonio og Davin Harris gerði 19 fyrir Dallas. Liðin mætast aftur í San Antonio aðfaranótt fimmtudags.

mbl.is
Fleira áhugavert
Fleira áhugavert