Íslenska landsliðið í körfuknattleik var rétt í þessu að ljúka æfingu í Kopperbox-höllinni hér í Lundúnum, þar sem leikurinn mikilvægi gegn Bretum fer fram annað kvöld.
Eins og komið hefur fram komu þeir Jón Arnór Stefánsson og Helgi Már Magnússon til móts við hópinn í dag og nú er ljóst að þeir verða báðir í leikmannahópnum á morgun, en Craig Pedersen landsliðsþjálfari var að tilkynna hópinn nú eftir æfinguna.
Þeir koma inn fyrir þá Elvar Má Friðriksson og Ólaf Ólafsson sem detta úr hópnum frá tapinu gegn Bosníu á sunnudag. Hópurinn er eftirfarandi:
Axel Kárason
Haukur Helgi Pálsson
Sigurður Þorsteinsson
Hlynur Bæringsson
Martin Hermannsson
Helgi Már Magnússon
Sigurður Þorvaldsson
Ragnar Nathanaelsson
Hörður Axel Vilhjálmsson
Logi Gunnarsson
Jón Arnór Stefánsson
Pavel Ermolinskij