Það var hreint út sagt stórkostlegt að verða vitni að íslenskum sigri í Koparkassanum gegn Bretum í gær. Leikurinn vannst með tveimur stigum, 71:69, en þessi úrslit fleyta liðinu langleiðina í lokakeppni Evrópukeppninnar og það í fyrsta sinn í sögunni. Enda var fögnuðurinn eftir því í leikslok, algjörlega ósvikinn, en heimamenn voru sem steinrunnir. Ógleymanlegt augnablik.
Leikurinn sjálfur var magnaður. Strákarnir höfðu talað um að það gæti tekið tíma að komast í gang, hrista af sér stressið og slíkt enda kom það á daginn. Liðið var á hælunum fyrstu tvo leikhlutana og var tíu stigum undir í hálfleik, 38:28. Eftir hlé var allt annað uppi á teningnum, liðið spilaði með bullandi sjálfstrausti og þar var Jón Arnór Stefánsson fremstur í flokki með 23 stig og gríðarlega varnarvinnu.
Sjá umfjöllun Andra Yrkils frá London í heild í íþróttablaði Morgunblaðsins í dag.