Sjaldgæft er að ekki sé leikið í NBA-deildinni í körfubolta eftir að keppnistímabilið hefst en það gerðist þó í nótt. Leikmönnum var gefið frí vegna Þakkagjörðarhátíðarinnar og taka aftur upp þráðinn í kvöld.
Í gærkvöldi voru leikmenn hins vegar margir hverjir önnum kafnir í sínum heimaborgum þar sem NBA-liðin komu að ýmsum góðgerðarmálum.
Í kvöld og í nótt verða tólf leikir á dagskrá og mætast til að mynda Chicago og Boston á austurströndinni. Oklahoma og New York eigast við en bæði liðin eru í vandræðum vegna meiðsla lykilmanna. Þá taka meistararnir í San Antonio á móti Sacramento.