Öruggur sigur hjá meisturunum

Danny Green skoraði 12 stig í sigri SA Spurs.
Danny Green skoraði 12 stig í sigri SA Spurs. AFP

Meistararnir í San Antonio Spurs áttu ekki í vandræðum með að leggja Phoenix að velli í NBA-deildinni í körfuknattleik í nótt.

SA Spurs vann stórsigur, 101:74. Kawhi Leonard var stigahæstur í liði meistaranna með 22 stig og þeir Danny Green, Boris Diaw og Aron Baynes voru með 12 stig hver. Hjá Phoenix var Marcus Morris atkvæðamestur með 19 stig.

Deron Williams skoraði 12 af 25 stigum sínum í þriðja leikhlutanum fyrir Brooklyn Nets í sigri liðsins gegn Dallas, 104:94. Thaddeus Young kom næstur með 16 stig. Hjá Dallas var Þjóðverjinn Dirk Nowitzki stigahæstur eins og oft áður en hann skoraði 20 stig.

Úrslitin í nótt:

Phoenix - SA Spurs 74:101
Dallas - Brooklyn Nets 94:104
Washington - Detroit 99:95
Miami - Atlanta 91:93
New York - Toronto 103:98
Minnesota - Memphis 97:101
Utah - Milwaukee 82:75

mbl.is
Fleira áhugavert
Fleira áhugavert