Atlanta heldur sínu striki

Jeff Teague hjá Atlanta fer framhjá Deron Williams hjá Brooklyn …
Jeff Teague hjá Atlanta fer framhjá Deron Williams hjá Brooklyn í leiknum í kvöld. AFP

Atlanta Hawks hélt áfram þar sem frá var horfið í deildakeppni NBA í körfuknattleik í vetur og vann Brooklyn Nets, 99:92, í fyrsta leiknum í úrslitakeppninni á heimavelli sínum í kvöld.

Atlanta vann Austurdeildina en Brooklyn skreið naumlega inn í áttunda sæti en þó munaði aldrei miklu á liðunum í kvöld. Sextán stig var það mesta en Brooklyn saxaði ávallt aftur á forskotið.

Kyle Korver skoraði 21 stig fyrir Atlanta, Jeff Teague og DeMarre Carroll 17 stig hvor. Hjá Brooklyn voru Joe Johnson og Brook Lopez með 17 stig hvor.

mbl.is
Fleira áhugavert
Fleira áhugavert