Fögnuður Skagfirðinga var ósvikinn þegar sigurinn var í höfn gegn KR í öðrum úrslitaleik liðanna um Íslandsmeistaratitil karla í körfuknattleik. Heimamenn skelltu kunnum smelli með Geirmundi Valtýssyni á fóninn í leikslok.
Meðfylgjandi myndskeið gefur einhverja innsýn í stemninguna en stuðningsmenn Tindastóls létu vel í sér heyra á leiknum og þá áttu KR-ingar einnig stuðningsmenn í stúkunni sem fylgdu þeim úr höfuðstaðnum.