Karlalandsliðið í körfubolta skilaði sér í morgun til Berlínar þar sem liðið mun hefja leik á Eurobasket, lokakeppni EM, á laugardaginn.
Landsliðið kom til Berlínar frá Póllandi þar sem liðið lék á fjögurra liða æfingamóti.
Íslenska liðið mun leika fyrsta leikinn í riðlinum í Berlín á móti gestgjöfunum Þjóðverjum sem verða með NBA-stjörnuna Dirk Nowitzki innanborðs.
Riðillinn er ógnarsterkur en auk Íslands og Þýskalands leika þar Serbía, Ítalía og Tyrkland.