Ísland mætir Þýskalandi í fyrsta leik sínum í lokakeppni EM í körfubolta í Berlín í dag klukkan 13 að íslenskum tíma. Uppselt er á leikinn en hin glæsilega Mercedes Benz höll tekur um 14 þúsund manns.
Fjórir í íslenska landsliðinu hafa leikið með þýskum félagsliðum á sínum ferli. Hafa þeir því leikið á móti nokkrum í þýska landsliðinu.
Logi Gunnarsson lék með Ulm þegar hann hélt fyrst utan tímabilið 2002 - 2003. Hann lék einnig með Giessen 2004 - 2005 og Bayreuth 2005 - 2006.
Jón Arnór Stefánsson lék með Trier þegar hann hélt fyrst utan tímabilið 2002 - 2003.
Jakob Örn Sigurðarson lék með Bayer Leverkusen 2005 - 2006.
Hörður Axel Vilhjálmsson lék með Mitteldeutscher 2011 - 2013 og aftur á síðasta tímabili.