Jakob Örn Sigurðarson, leikmaður sænska körfuboltaliðsins Borås, var með þrettán stig er lið hans tapaði fyrir Oostende frá Belgíu 94:68 í FIBA-Europe bikarnum í kvöld.
Leikið var í 32-liða úrslitum mótsins í kvöld en þrátt fyrir afar jafnan fyrsta leikhluta tókst belgíska liðinu að fara með tíu stiga forskot inn í hálfleikinn.
Fjórði og síðasta leikhlutinn gerði svo út um leikinn en Oostende vann hann 24:14 og lokatölur því 94:68.
Jakob Örn var með þrettán stig fyrir Borås í dag og var næst stigahæstur í liðinu en auk þess var hann með tvö fráköst og eina stoðsendingu.
Leikið er í átta riðlum en Borås er í Q-riðli. Þetta var fyrsti leikur riðilsins en næsti leikur Borås er gegn Turk Telekom þann 6. janúar næstkomandi.