Yngri landslið Íslands í körfubolta hófu keppni á Norðurlandamótinu í Finnlandi í gær með því að mæta Danmörku. Bæði U18-landsliðin fögnuðu sigri en U16-landsliðin töpuðu. Liðin mæta Noregi í dag, því næst Svíþjóð, Eistlandi og loks Finnlandi á fimmtudag.
Þórir Guðmundur Þorbjarnarson úr Íslandsmeistaraliði KR skoraði 26 stig í 76:61-sigri U18-liðs drengja. U18-lið stúlkna vann enn öruggari sigur, 62:39, þar sem Sylvía Rún Hálfdanardóttir úr Haukum var stigahæst með 17 stig.
U16-lið drengja tapaði 79:51 og U16-lið stúlkna tapaði afar naumlega, 58:55. sindris@mbl.is