Körfuknattleiksdeild Njarðvíkur hefur sagt upp samningi sínum við Bandaríkjamanninn Corbin Jackson og hefur nú leit að öðrum erlendum leikmanni. Karfan.is greinir frá.
Corbin skilaði um 17 stigum og 6 fráköstum að meðaltali í fyrstu fjórum umferðum Dominos-deildar karla í körfuknattleik, en Njarðvíkingar eru að leita eftir betra framlagi í teignum.
„Corbin stóð ekki undir væntingum en þökkum við hinsvegar kappanum fyrir hans framlag og óskum honum farnaðar í því sem hann tekur sér fyrir næst,“ segir í tilkynningu frá Njarðvík.