Íslenska karlalandsliðið í körfuknattleik kvaddi í morgun í Leifsstöð áður en liðið hélt af stað til Finnlands þar sem það mun leika á Evrópumótinu. Fyrsti leikur liðsins er gegn Grikklandi í Helsinki á fimmtudag, en leikurinn hefst kl. 13:30 að íslenskum tíma.
Hópurinn flýgur til Helsinki, en von er á stuðningsmönnum þegar líður á vikuna. Hér að neðan má sjá myndir frá því að hópurinn kvaddi í morgun, ásamt lokahópnum sem tilkynntur var í gær.
Lokahópurinn er sem hér segir:
Martin Hermannsson - Chalon-Reims – 51 landsleikur
Ægir Þór Steinarsson – Tau Castello – 48 landsleikir
Kristófer Acox – KR – 25 landsleikir
Hlynur Bæringsson - Stjarnan – 111 landsleikir
Jón Arnór Stefánsson – KR – 91 landsleikur
Elvar Már Friðriksson - Barry háskólinn í BNA – 27 landsleikir
Hörður Axel Vilhjálmsson - Astana – 65 landsleikir
Logi Gunnarsson – Njarðvík – 138 landsleikir
Pavel Ermolinskij – KR – 62 landsleikir
Haukur Helgi Pálsson – Cholet – 56 landsleikir
Tryggvi Snær Hlinason – Valencia – 19 landsleikir
Brynjar Þór Björnsson – KR – 62 landsleikir
Ísland er í riðli með Finnum, Frökkum, Grikkjum, Pólverjum og Slóvenum.