Veiði hófst í Kjarrá í uppsveitum Borgarfjarðar í morgun. Gekk veiði vel á fyrstu vaktinni. Þrátt fyrir að áin sé úr alfaraleið og nánast ekkert símasamband við ánna fréttist þó að á fyrstu vaktinni hafi 8 löxum verið landað, auk þess sem 5 sluppu eftir talsverða baráttu.
Var fiskur dreifður víða um svæðið sem er langt og nær langleiðina inn á Arnarvatnsheiði. Veiddust fiskar í Neðra-Rauðabergi, Lambastreng, Réttarhyl, Hellgate, Holunni, Hnitbjargarhyl og Selsstrengjum þar sem grálúsugur smálax kom á land, auk þess sem annar lak af í löndun. Að öðru leyti var um hefðbundna svokallaða tveggja ára laxa að ræða.
Urðu menn varir við talsvert af laxi á nokkrum stöðum, einkum í svokallaðri Mið-Prinsessu og Réttarhyl. Vakti athygli að stórveiðistaðir eins og Runki, M804, Wilson og Efri Johnsson gáfu ekki lax að þessu sinni. Fram kemur að draumaskilyrði séu til veiða í ánni. Þá komu tveir á land í gærkvöldi úr Þverá úr Skiptafljóti og Kirkjustreng, auk þess sem þar fór annar af í löndun. Um er að ræða fyrsta fiskinn sem veiðist í Kirkjustreng þetta sumarið.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |