27 laxar á land í Norðurá

Fyrsti dagurinn í Norðurá gaf 27 laxa en áin opnaði í morgun.

Að sögn Einars Sigfússonar sem annast sölu á veiðileyfum í ánni þá komu 13 laxar á fyrri vaktinni og 14 á þeirri seinni.  Áberandi var hvað mikið var af stórum og fallegum laxi kom á land og veiddi Eyrún Sigþórsdóttir 94 sm lax á Bryggjunum og Kristinn Sigmundsson óperusöngvari veiddi annan 92 sm.  

Það var svo Anna Sigþórsdóttir, eiginkona Einars, sem veiddi stærsta lax dagsins eftir hádegið, í Stekkjarfljóti í Stekknum svokallaða, en þar landaði hún 95 sm hæng. Þetta var reyndar með talverðum ólíkindum því síðasta sumar veiddi Anna jafnstóran hæng sem tók á nákvæmlega sama stað í Stekkjarfljótinu.

Einar var glaður í bragði og kvaðst ekki muna eftir annarri eins opnun í Norðurá og gleðilegt væri að sjá hvað mikið væri af stórum og fallegum laxi i ánni. 

Í fyrramálið opnar svo Blanda og þar hafa menn orðið varir við talsvert af laxi síðustu daganna þegar hægt hefur verið að skyggna ánna.

• Blogga um frétt

Seinustu hundraðkallar sumarsins