Veiði | mbl | 22.6.2016 | 5:06 | Uppfært 5:42

Ásarnir byrja vel

Stórlax sem kom á land í gær. Stefán Viðarson

Laxá á Ásum í Austur-Húnavatnssýslu opnaði í gær og veiddist ágætlega fyrsta daginn að sögn veiðimanna sem þar voru. Veitt er á tvær stangir í Laxá sem hefur löngum verið gjöfulasta laxveiðiá landsins miðað við við veiði á hverja stöng.

Það voru matreiðslumenn sem sáu um að opna í ár og sagði Stefán Viðarsson sem fór fyrir hópnum að þeir hafi orðið varir við talsvert mikið af laxi víða í ánni og í lok dags var búið að landa 12 löxum.

Það komu átta laxar á fyrstu vaktinni og fjórir á þeirri seinni. Flestir fiskarnir voru stórir og fallegir vorlaxar, en nokkrir smálaxar voru þó innan um. Menn voru því sáttir í lok dags en til samanburðar veiddust átta laxar á opnunardaginn 2015.

Frá Laxá í gær. Stefán Viðarsson

Stefán Viðarsson glímir við lax. Fannar Vernharðsson

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.