Lifnar aðeins yfir Reykjadalsá

Fremur róleg veiði hefur verið í Reykjadalsá í Borgarfirði það sem af er sumri en þar var metveiði síðastliðið sumar.

Samkvæmt fréttum frá Stangveiðifélagi Keflavíkur, sem hefur annast leigu á ánni um áratugaskeið, eru rúmlega 50 laxar komnir á land úr ánni. Hefur veiðin verið róleg og hafa bestu tveggja daga hollin verið að ná fimm löxum á land, en veitt er á tvær stangir.

Nú er loks komin suðaustanátt og rigning í Borgarfirði og eitthvað virðist vera að lifna yfir veiði í ánni því hópur veiðimanna sem nú er að veiðum í ánni hefur landað sjö löxum og þar af komu þrír í beit úr Ásgarðsfljóti. 

Í fyrra var metveiði í ánni þegar 334 laxar veiddust það sumarið á stangirnar tvær. Meðal­veiði í Reykja­dalsá síðastliðinn 10 ár er 206 lax­ar og en áin er mik­il síðsum­arsá og oft­ar en ekki hafa haust­in verið hvað göf­ul­ust.

Glímt við lax í Reykjadalsá fyrr í dag. Gylfi Dalman Aðalsteinsson

• Blogga um frétt

Seinustu hundraðkallar sumarsins