Veiði | mbl | 25.8.2016 | 23:16 | Uppfært 26.8.2016 8:18

Annar dreki á land í Aðaldal

Örn með laxinn stóra við Höfðahyl fyrr í kvöld. FB/Laxá í Aðaldal – Nessvæðið

Stuttu eftir að fréttir bárust af því að 112 cm lax hefði komið á land af Breiðeyri í Laxá í Aðaldal hjá Laxárfélaginu, komu fréttir frá svokölluðu Nessvæði, að þar hafi öðrum laxi svipaðrar stærðar verið landað í kvöld.

Veiðimaðurinn Örn Kjartansson veiddi 110 cm hæng í Höfðahyl á fluguna Radium númer 12 og var laxinn einnig mældur að ummáli 56 cm. Reiknast mönnum í sveitinni því til að laxinn hafi verið um 15 kíló að þyngd eða 30 pund.

Ekki kom fram hvort laxinn af Breiðeyri hafi verið mældur að ummáli.

Örn ásamt veiðifélaganum Davíð Mássyni. FB/Laxá í Aðaldal – Nessvæðið

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.