Að sögn Einars Sigfússonar, sölustjóra Norðurár í Borgarfirði, þá gengur veiðin ljómandi vel og er búið að landa 33 löxum á stangirnar 8 eftir tveggja daga veiði. Hann sagði að menn væru aðallega að veiða á yfirborðinu með smáflugum og hefðu allt að 20 laxar sloppið eftir mislangar viðureignir.
Fram kom að veitt yrði fram að kvöldmat í dag og svo yrði ekki veitt í ánni fyrr en eftir hádegið á morgun þegar fyrsta selda hollið byrjar veiði.
Megnið af veiðinni er mjög velhaldinn tveggja ára lax, en að auki hafa þrír bústnir og fallegir smálaxar komið á land frá 66 til 69 cm langir. Eiginkona Einars, Anna Sigþórsdóttir, landað 102 cm laxi í gærmorgun á litla Snældu í Laugarkvörn að austanverðu. Einar taldi að mörg ár væri síðan að svo stór lax hafi ekki komið á land í Norðurá.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |