Samkvæmt upplýsingum frá Stangveiðifélagi Reykjavikur sem heldur utan um veiðirétt á Haukadalsá í Dölum þá hófst veiði þar í gær og fer ágætlega af stað.
Fram kemur að fimm löxum hafi verið landað þennan fyrsta dag og urðu menn talsvert mikið varir og misstu nokkra. Var líf á öllum svæðum, nema neðsta svæðinu sem var rólegt. Menn höfðu á tilfinningu að ekki væri mikið af glænýjum laxi og þeir laxar sem veiddust höfðu verið þar einhvern tíma því menn urðu varir við fisk alveg upp á efsta stað. Binda menn vonir við að næsta stórstreymi skili nýjum göngum upp ána.
Á sama tíma opnaði Þverá í Haukadal sem er hliðará Haukadalsár og sameinast henni rétt við veiðihús Haukadalsár. Þar er veitt á eina stöng og þar fór veiðin enn betur af stað og komu sex laxar þar á land fyrsta daginn.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |