Arður af laxveiði ekki lengur til prestsins að Hofi

Á 267. fundi Kirkjuráðs þann 17. júlí síðastliðinn var samþykkt tillaga um að veiðihlunnindi sem fylgja Hofi í Vopnafirði verði undanskilin í auglýsingu um sóknarprestembætti.

Hof er landnámsjörð og hefur frá fornu fari verið kirkjujörð og er talið að kirkja hafi verið reist þar fljótlega eftir kristintöku. Hofsá er ein þekktasta og eftirsóttasta laxveiðiá landsins og leigð út fyrir tugamilljóna króna á ári og er Hof stærsti landeigandi við ána.

Í fasteignamati frá 2014 er eignarhlutar kirkjunnar í Hofsá og Sunnudalsá metnir á tæpar 75 milljónir króna. Hefð hefur verið að starfandi prestar fái allt af helming af arði hlunninda á kirkjujörðum sem þeir starfa á.

Tekið var sérstaklega fram á þessum fundi að þessi ákvörðun verði endurskoðuð þegar starfshópur kirkjuráðs sem kirkjuþing 2015 ályktaði að skipaður yrði til að skoða slík mál í tengslum við stefnumörkun þjóðkirkjunnar um eignir og eignastýringu skilar niðurstöðu sinni. Kirkjuráð ályktar jafnframt að fela framkvæmdastjóra að koma á framfæri við starfshópinn hvatningu kirkjuráðs til að starfi hans verði lokið hið fyrsta.

• Blogga um frétt

Seinustu hundraðkallar sumarsins