Merki Meninga

„Meniga vefurinn greinir neyslumynstur notenda og bendir þeim á sparnaðarráð, tilboð, afslætti og hagnýtar upplýsingar til að hjálpa þeim að nýta peningana betur. Meniga getur sparað notendum háar fjárhæðir með því m.a. að benda þeim á bestu vextina, nýjustu tilboðin í þeim verslunum sem þeir sækja og raunhæfar leiðir til að lækka ýmsan kostnað, t.d. tryggingakostnað.

Meniga sækir og flokkar sjálfvirkt allar færslur af bankareikningum og greiðslukortum notenda og setur sjálfkrafa upp fjárhagsáætlun sem byggir á raunútgjöldum síðustu mánaða. Notendur vefsins geta með einföldum hætti fylgst með útgjöldum, tekjum og stöðu heimilisfjár­mál­anna á myndrænan og skýran hátt. Mjög auðvelt er að tengja saman reikninga sambúðarfólks eða annarra fjárhagslega tengdra aðila og fá þannig heildaryfirsýn yfir fjármál heimilisins," samkvæmt tilkynningu.

Íslandsbanki er aðalsamstarfsaðili Meniga á Íslandi og undanfarið hefur fjöldi starfsmanna bankans prófað kerfið.